Mir, das sin d’Bohrerhöfler us Allschwil

Unserä Sohn, dr Maxime, wo au scho viel im Büro hilft,
aber allwäh nie will in d’Chuchi cho!
Unseri Nichtä, d’Vanessa, wo hinter em Buffet schafft,
und fascht all Wuchä ä neus Nail-Design het, wie d’Nägel während em Schaffä immer abbrächä
S’Valérie, wo dr glich Job am Buffet macht und immer mit em Vanessa abwächslet. Äs het no ä Lächlä, wenns no so stürmt und alles drunter und drüber goht
S’Séverine, unseri Seelä wo im Service immer perfekt alles macht, dass unseri Gescht zfriedä sin
S’Patricia, chlei aber oho, immer fründlich und flink alli Wünsch vo dä Gescht im Service erfüllt
S’Roselyne, wo au ä ganz nätts Service-Meitli isch,
Äs chunnt us dr Bretagne und duet fascht perfekt Schwizerdütsch redä mit unserä Gescht
S’Marie Madeleine, wo d’Salat, d’Vorspiesä und d’Desserts
immer mit viel Begeisterig zubereitet
Dr’ Davy, wo immer schnäller alli Bielagä und Garnitürä schickt und wo
die schönschtä und chnusprigschtä Rösti fertigt
Und am Schluss no mi Frau, D’Katia und ich sälber, dr Markus!
Zämä wänn mir zwei mit unserem Maxime und unserem Team

Sie, liebi Gescht, täglich zfriedä stellä, dass Sie immer wieder
gärn zu uns chömmä!

Liebi Griessli und bis bald bi uns im Bohrerhof.