Willkommen im Restaurant "Burger's Bohrerhof"

Mir, das sin d'Bohrerhöfler us Allschwil

Unsere Sohn, dr Maxime, wo au scho viel im Büro hilft, aber allwäh nie will in d'Chuchi cho!   D'Smilja, unseri nätti, fröhlichi Buffetdame, wo immer konzentriert alli Getränk parat macht am Buffet und au sehr gärn zu de Gescht an Tisch goht, um Getränk oder Ässe z'serviere. Und das immer rassig mit em e charmante Lächle. So wie das muess si. Und au unsere Jüngschte im Service: dr Adrien, jung, ufgschtellt, Er isch ä ganz e Modische, immer fründlich und flink duet Er alli Wünsch vo de Gescht im Service erfülle. Und natürlich au em Maxime si Cousin; dr Mateo, wo immer wieder chunnt cho hälfe im Service, wenn mir schträng hei. Denn au d'Milena, wo d'Tocher isch vo unserer unvergässliche au Stana. Sie macht d'Salat, d'Vorspiese und d'Desserts immer mit viel Begeischterig und Sie hett immer alles im Griff.  

 

 

D'Marie und D'Mara, wo Beidi mit viel Flair und Erfahrig rassig die schönschte Röschti, die chnuschprigschte Pommes frites und au alli andere Bielage zuebereite und perfekt uf e Täller arichte. S'Angélique, wo luegt, dass alles immer und überall suber und gepflegt isch. Und wenn's nötig isch, denn hilft Es au im Service,am Buffet oder in dr Chuchi us.Und am Schluss no mi Frau, D'Katia und ich sälber, dr Markus. Zämme wänn mir mit unserem Maxime und unserem Team Sie, liebi Gescht, täglich zfriede schtelle, dass Sie immer wieder gärn zu uns chömme!

Liebi Griess und bis bald bi uns im Bohrerhof.

Tagesmenüs

Aktuelles

Ein Überblick

Kontakt
Speisekarte
Über uns
Bankettmenü

Öffnungszeiten

Donnerstag bis Samstag:

11:45 bis 14:30  und 17:00 bis 23:30

Sonntag:
11:45 bis 23:30
(durchgehend warme Küche bis 21:00)

Montag und Dienstag und Mittwoch:
Ruhetag

Rollstuhlgängig

Bi uns chönne Sie mit em Rollator oder mit em Rollschtuhl ohni fremdi Hilf ins Restaurant ihne cho. Mir hei e grossi Rampe, wo das möglich macht. Und uf's WC chönne Sie au ohni Problem.