Schpargle
März 23, 2026Liebi Gescht und liebi Fründe vom Bohrerhof,
Am Dunnschtig, 1.Oktober 2026 goht’s wieder los mit em Wild!
S’wird bi uns scho die Achtzähnti Wild-Saison das Johr! Wie immer hämmer s’’Zartischte vom junge Rehli…….die chömme us em Bayrische Wald, Öschtrich und us em Südtirol. Mir hei nur die absolut beschti Qualität, wo’s git uf em Märt. Für das schtöhn mir grad. Zämme mit unserem Metzger ; dr Familie Eiche au do in Allschwil sit über 115 Joohr. Rehmedaillons vom Nüssli und vom Bäggli, Rehgschnätzlts und Rehpfäffer Derzue gits Spätzli, Rotchrutt mit Maroni, Poschierti Bire, Zwätschge und Trübeli Wildrahmsauce mit fünf verschiedene Pilz, Preiselbeeri………und und und…. Mir möche au Rehrugge. Obwohl mir ä chleini Chuchi hei, wei mir dr Rehrugge schön chönne präsentiere uf dr grosse Platte und denn in zwei Mol serviere. Dass das möglich isch, sötte Sie dr Rehrugge wenigschtens ei Daag vorhär bschtelle und immer für mimimum vier Persone. Denn hei Sie nämlig immer ä ganze Rehrugge. Das gseht au toll us und macht no mehr Luscht. Natürlich gits au schöni Vorspiese, Chürbissuppe, Vermicelles, Früschi Wähe und mehr.
Liebi Griess und viellicht bis bald bi uns im Bohrerhof, dört wo me sich wohlfühlt und dört, wo’s eim gfallt!
„D’Bohrerhöfler“ us Allschwil
Menu’s als Download
